Су басқан өңірлердің әкімдері қажетті қаржыландыру туралы есепт іжедел штабқа тез арада беруі керек.  Президент Қасым-Жомарт Тоқаев жауаптыларға осындай тапсырма берді. Тасқынға қарсы және оның салдарын жою жөніндегі республикалық штабтың отырысын өктізген. Мемлекет басшысы өңірдегі ахуалға тоқталды.  Қасым-Жомарт Тоқаев қазіргі уақытта ахуал әлі де өте күрделі екенін атап өтті. Оның айтуынша, бес аймақта, яғни Атырау, Батыс Қазақстан, Шығыс Қазақстан, Ақмола және Солтүстік Қазақстан облыстарында су тасқынының екінші толқыны болуы мүмкін. Қалған алты облыста, атап айтқанда, Қостанай, Қарағанды, Ақтөбе, Абай, Павлодар, Ұлытауда жағдай тұрақтала бастаған.

Мемлекет басшысы табиғи апаттан зардап шеккен аймақтардағы азық-түлік қауіпсіздігі мәселесін айрықша бақылауда ұстау және бағаның өсуіне жол бермеу қажет екеніне тағы да назар аударды. Сондай-ақ азаматтар үшін әуе және теміржол көліктеріне билеттің қымбаттауына жол беруге болмайтынын ескертті. Жиын барысында денсаулық сақтау министрлігіне ауыл шаруашылығы министрлігімен бірге еліміздегі санитариялық-эпидемиологиялық жағдайға бақылауды күшейтіп, көппәтерлі үйлерге, әлеуметтік және басқа да нысандарға дезинфекция жасау жөнінде тапсырма берілді.