Американдық Лейк-Плэсидте 78 қазақстандық спортшы қатысқан қысқы студенттік ойындар аяқталды. Біздің спортшылар халықаралық аренада ел намысын қорғай алды! Қорытынды бойынша Қазақстан құрамасы 11 медальмен — үш алтын, төрт күміс және төрт қоламен 11-ші орында.
Медальдық есепте бірінші орында Жапония 48 медальмен, екінші орында 29 медальмен Оңтүстік Корея және үшінші орында13 медальмен Канада көш бастап тұр. Қазақстан құрамасының «Алтын медальін» биатлоншылар Вадим Куралес пен Бекентай Турлубеков., «Ұшатын шаңғышы» Данил Васильевтер әкелді. «Күміс медальді» биатлоншы Александр Мухин, «Ұшатын шаңғышылар» Данил Васильев пен Сергей Ткаченко (командалық есепте), аралас эстафетада шорт-трек командасы (Яна Хан, Малика Ермек, Алина Әжғалиева, Әлішер Әбілқатымов, Әділ Ғалиахметов және Еркебұлан Шамуханов жеңіп алды. Шорт-тректен ерлер командасы (Санжар Жәнісов, Антон Хван, Әлішер Әбілкамитов, Әділ Галиахметов, Еркебұлан Шамуханов және Валерий Клименко).
Биатлоншы Александр Мухин, шаңғышы Ксения Шалыгина, шаңғы жарысынан әйелдер командасы (Айша Рақышева, Надежда Степашкина және Ксения Шалыгина) және шайбалы хоккейден ерлер командасы Универсиаданың қола жүлдегерлері атанды. Сәрсен Аманжолов атындағы жоғары мемлекеттік университетінің «Дене шынықтыру және спорт» білім беру бағдарламасының 1 курс студенті Владислав Зуев сноуборд жарыстарына қатысты. Алматының 35 жоғары оқу орнының студенттері Қазақстан құрамасын қолдау мақсатында бейнеролик дайындады.
Бүгінде әлемнің озық мемлекеттері жастарды қолдау – болашаққа салынған инвестиция екенін түсініп, жастарды көтеруде. Ел Президенті спортшыларды табысты өнерлерімен құттықтап: «Сіздер осы спорттық форумда еліміздің атынан лайықты түрде қатысып, өз шеберліктеріңізді, дарындарыңызды, жеңіске деген ерік-жігерлеріңізді көрсеттіңіздер.
Сендер жарыста барлық еңбегі үшін медальдар жеңіп алып, жанкүйерлердің үмітін ақтадыңдар. Қатал бәсекелестікке бет бұрды. Бұл – спортшыларымыздың жаттықтырушыларының ерен еңбегі. Елімізде бұқаралық және балалар спортын дамытуға барлық жағдай жасалуда. Ұлттық құраманың Универсиададағы тамаша өнері мыңдаған жас отандастарымызға үлгі болмақ!». Жеңімпаздарымызды шын жүректен құттықтаймыз! Спортшыларға зор денсаулық, алдағы уақытта табыс, көптеген лайықты марапаттар тілейміз!
