Бүгін Түркістан облыстық «Фараб» кітапханасының концерт залында Әшірәлі Кенжеев атындағы Келес аудандық мәдениет үйі жанындағы «Келес халық театры» өнер көрсетіп, «Өмір солай» атты драма спектаклін сахналады.

Бұл қойылым жазушы-драматург, ҚР еңбек сіңірген қайраткері, ҚР Мемлекеттік сыйлығының лауреаты Роза Мұқанованың пьеасы бойынша жазылған.

Қойылым барысында қазір қоғамдағы өзекті мәселелер, отбасылық қарым-қатынастар, қараусыз қалған ата-ана жайы бейнеленді. Жұмысбастылық пен күйбең тіршілікті сылтау етіп, ата-ананың халін сұрауды кейінге қалдыратын сәт келген көрермен жүрегін тербете білді.

Айта кетейік, «Келес халық театры» 1978 жылы құрылған. Биылғы жыл 44 жылдық тарихы бар театрдың қойылым режиссеры – Мырзалиев Жанкелді. Спектакль әртістері – Есенқұлова Сейдана, Сұлтанова Гүлайна, Дигарова Замира, Тұржанов Бауыржан, Мырзалиев Жанкелді.

Түркістан облысы мәдениет басқармасының баспасөз қызметі