Сауран ауданындағы Т.Айтжанов атындағы жалпы мектебінде «Әкелер мектебі» жобасы аясында аталмыш мектеп директорының тәрбие ісі жөніндегі орынбасарлары К.Сулейменова Кенжекул мен М.Ибрагимовтың ұйымдастыруымен отбасылық толағай сайысы өтті.

Шараның мақсаты білім алушылардың отбасылық және әлеуметтік құндылықтары мен құзыреттерін қалыптастыруда отбасы, мектеп, әлеуметтік серіктестердің өзара ынтымақтастығын орнатуға жағдай жасау болып табылады. Балалар тәрбиесінде отбасы рөлін көтеруге бағытталды.

Шараға «Қыран», «Шұғыла», «Барыс» отбасылық топтары қатысты. Сайыс 6 кезеңнен тұрды. Атап айтсақ, 1.Таныстыру, 2.Футбаскет, 3.Білімді кенгуру, 4.Кім көп секіреді? 5.Эмоцияны немесе іс-әрекетті қайтала, 6.Жеңіске жету кезеңдері бойынша сайысқа түсті.

Отбасылық сайыста шапшаңдық пен жылдамдық, алғырлық пен дәлдік, мықтылық пен қайраттылықтың арқасында «Барыс» тобы 1-орын, «Қыран» тобы 2-орын, «Шұғыла» тобы 3-орынды иемденді. Сайыс жеңімпазы мен жүлдегерлеріне арнайы дипломдармен сый-сияпаттар табысталды.

Сауран ауданы әкімдігінің баспасөз қызметі