Бүгін оқу орнымызда Түрік квотасынан босаған орындарды үлестіру мақсатында студенттермен кездесу болды. Жиын академиялық мәселер вице-ректоры Эльмира Идрисованың жетекшілігімен өткізілді.
Жыл сайын Түркия мемлекеті қазақстандық түлектерге 500 квота бөлетіні баршаңызға мәлім. Бұл – ҰБТ-дан жоғары балл жинаса да, бағы жанбай қалған түлектермен қатар, университетімізде ақылы негізде оқитын студенттер үшін үлкен мүмкіндік.
Биыл оқу орнымызда Түрік квотасы бойынша бөлінген 117 орын босады. Осыған орай, босаған орындарды қайта толтыру үшін GPA баллы 3-тен жоғары білім алушылар арасында конкурс өткізілді. Комиссияның ашық және әділ шешімінің нәтижесінде босаған орындарстуденттер арасында толық үлестірілді.
Жағымды жаңалықты студенттерге академиялық мәселер вице-ректоры Эльмира Идрисованың өзі арнайы хабарлады. Жақсы жаңалықты естіген шәкірттердің қуанышында шек болмады, кейбірі көзіне жас алып, алғыстарын айтты.
