Түркістан облысының Келес ауданына қарасты Алпамыс батыр ауылдық округінің тұрғыны Темірбек Тоғанбай Португалияның Вила Реал де Санто Антонио қаласында өтіп жатқан дүниежүзілік IWAS ойындарында пара жеңіл атлетиканың диск лақтыру және 100 метрге жүгіруден қола жүлдені иемденді.

Халықаралық дәрежедегі спорт шебері атанған Темірбек Тоғанбай 1998 жылы Келес ауданының Алпамыс батыр ауылдық округінде дүниеге келген. Осыған дейін пара спортшы ел біріншіліктерінде өнер көрсетіп, жеңіл атлетикадан республика чемпионы атанған.

Португалия елінде өтіп жатқан жарысқа әлемнің 34 мемлекетінен 500-ге жуық пара спортшы келді. Байрақты додада ел намысын 27 паралимпиадашы спорттың үш түрініен қорғауда. Олар, пара жүзу, пара пауэрлифтинг және пара жеңіл атлетика.

Айта кетсек, IWAS ойындары – бұл арбаға таңылған және дене мүмкіндігі шектеулі спортшыларға арналған спорт ойындары болып келеді. Ол әр екі жыл сайын өткізіледі. Қазіргі таңда IWAS ұйымына 73 мемлекет мүшелік етеді.

(с) Келес ауданы әкімдігінің баспасөз қызметі