Қардың қалың түсуіне байланысты Келес ауданында көлік қозғалысы мен жаяу жүргіншілерге кедергілер қалыптастырмау мақсатында арнайы техникалар жұмылдырып, қар тазалау және жолдарға құм, тұз шашу жұмыстары жүргізілуде.

Бұл жұмыстарға «Келес тазалық-2050» ЖШС тарапынан аудандық маңызы бар автомобиль жолдарымен елді мекенінің ішкі көшелеріне 300 тонна құм, 4 техника қаралып, 12 жұмысшы тартылды.

Айта кетейік, 2022-2023 жылғы қыс мезгіліне дайындық жұмыстарына Республикалық маңызы бар А-15 автомобиль жолына «ҚазАвтоЖол» ҰК» АҚ-ы Түркістан облыстық филиалының мәліметіне сәйкес, 250 м3 құм, 75 т бір тұз шашатын арнайы техника, екі РТЗ, екі автогрейдар және бір газель автокөлігі қаралған. Ал облыстық маңызы бар автомобиль жолдарына «Оңтүстік жолдары» МКК тарапынан 140 тонна құм, 6 тонна тұз және алты техника жұмыс істеуі көзделген.

Өз кезегінде көлік басқарушы тұрғындар алыс жолға шығар алдында сақтық шараларын қолдануларыңызды сұраймыз!

(с) Келес ауданы әкімдігінің баспасөз қызметі