«AMANAT» партиясы Кентау қалалық филиалының қоғамдық қабылдау бөлмесінің регламентіне сәйкес, партия филиалының атқарушы хатшысы А.Басаровтың қатысуымен, Кентау қаласы әкімінің орынбасары Қуаныш Искаков азаматтардың жеке мәселелерімен қоғамдық қабылдау өткізді

Қоғамдық қабылдауға тиісті бөлім және мекеме мамандары қатысып, 11 тұрғынның мәселесі талқыланды.

Қабылдауға келген қала тұрғындары Д.Мажидова, Д.Абдрахманова, Х.Абдуллах, А.Джаманбаева, Ж.Асанова тұрғын — үй кезегінде тұрғандарын айтып кезекпен үй алу мәселесімен, Т.Бейсенбеков Төреқұлов көшесіндегі электр бағаналарын реттеп, қосымша тағы 2 бағана қойып беруді сұрап келсе, А.Ажигабылов көп қабатты тұрғын үйдің жылу құбырына жылу есептегіш құралын қойып беруді, С.Ташпенова аула жолдарын жөндеу, Е.Потехина және К.Жантаев балалар ойын алаңшасын салып беру мәселелерін көтерді.

Қала әкімінің орынбасары Қ.Искаков жеке қабылдауға келіп, өтініштері мен мұң-мұқтажын жеткізген әрбір тұрғынның мәселесі бойынша түсіндіру жұмыстарын жүргізіп, тиісті бөлімдер мен мекемелерге тұрғындар мәселесін тиісті заң шеңберінде шешуді тапсырды.