2022 жылғы 14-26 қараша аралығында Испанияның мемлекеті Ла-Нусия қаласында бокстан жасөспірімдер арасындағы Әлем чемпионаты болып өтті. Аталған жарысқа 73 елден 596 боксшы қатысып бақтарын сынады. Қазақстан ұлттық құрамасының намысын қорғаған жерлесіміз 60 келі салмақта жұдырықтасқан болатын. Кентау спорт клубы және Түркістан облысының Ә.Нұрмаханов атындағы ОРМБЖСМ-нің боксшысы Анарбаев Бахтияр (жаттықтырушылары Шерметов Рахматулла, Жаулыбаев Тұрсынбай) бірінші кездесуінде Өзбекістан боксшысын жеңіп, келесі кездесуінде Англия боксшысымен кездесіп, төрешілердің шешімі бойынша Англия боксшысының қолын көтерді.

Турнир қорытындысы бойынша жалпы командалық медальдық есепте Қазақстан Англиямен үшінші орынды бөлісті — оның екі «алтын», екі «күміс» және үш «қола»бар. Жастар арасындағы әлем чемпионатының көшбасшысы ретінде Өзбекстан құрамасы бес алтын, үш күміс және екі қола медаль жеңіп алды. Медаль бойынша екінші орынды Үндістан құрамасы иеленді-оның төрт алтын, үш күміс және үш қола медалі бар.

Қала мақтанышы, нәтижелі өнер көрсеткен спортшыны, Кентау спорт клубының директоры Совет Бағдаулетті және жаттықтырушыларын жетістіктерімен құттықтап, еліміздің атын асқақтатар жеңіске жететініне сенім білдіреміз.

Кентау қаласы әкімдігінің баспасөз қызметі