Кентау қаласының әкімі Жандос Тасов тазалық мәселесін ұдайы бақылауда алып, атқарылған жұмыстар бойынша күнделікті ақпараттармен танысып отырады. Бүгінде, мемлекеттік-жекешелік әріптестік аясында «Группа Интеко» ЖШС-і мемлекеттік тапсырыстағы қаланың 54 көшелерін, оның ішінде автомобиль жолдары мен жаяу жүргінші жолдарды, су ағатын лотоктарды, жасыл желектерді қоқыстан тазалау, қоқыстарды әкету жұмыстарын жүргізеді.

Қазіргі таңда 9 арнайы техникасымен 42 қызметкер жұмыс атқарады. Қазіргі таңда қыс мезгіліне 800 куб құм және 80 тонна тұз дайын.

Сонымен бірге 341 көпқабатты тұрғын үйдің 56 ауласын қоғамдық жұмысшылар арқылы күнделікті санитарлық тазалау жұмыстары жүргізілуде. Кентау қаласында жеке тұлғалардан тұрмыстық қатты қалдықтарды жинау, шығару, кәдеге жарату және көму, жария келісім-шарт негізінде (Экологиялық кодекстің 367-бабы, 3-тармағы) «Кентаужан»ЖШС-ы айналысады.

Заңды тұлғалар мен жеке кәсіпкерлерден ҚТҚ шығаруды жеке шарттарға сәйкес «Кентаужан» ЖШС жүзеге асырады. Бұл мекеменің қай мекен жайды қай күндері тазаланатыны жайында ұдайы @ikomek_kentau парақшасы арқылы тұрғындарға жарияланып тұрады. Сонымен қатар, тазалық мәселесі жайында арыз-шағымдарды қабылдау — 109 байланыс орталығы арқылы үздіксіз жұмыс атқаруда.

Кентау қаласы әкімдігінің баспасөз қызметі