Түркістан облысының әкімі Дархан Сатыбалды облыстық ауыл шаруашылығы басқармасының «Тұран су» мекемесіне қарасты «Қосқорған» су қоймасында болып маңызды нысанның бүгінгі жай күйімен танысты. Кентау қаласы аумағында орналасқан аталмыш су қоймасы 1982 жылы пайдалануға берілсе оның сыйымдылығы 37,3 млн текшеметрді құрайды.
Ал бөгеттің жалпы ұзындығы 2900 метрге тең. Аталмыш су қоймасы арқылы 7464 гектар егістік жер ағын сумен қамтамасыз етілетін болса, мұндағы бас су бөлгіш құрылымының су өткізгіш қабілеті секундына 50 метр куб мөлшеріне ие. Осы орайда Түркістан облыстық ауыл шаруашылығы басқармасының басшысы Тұрғанбек Оспанов пен «Тұран су» МКК басшысы Досхан Лесовтар «Қосқорған» су қоймасындағы жұмыстар барысын өңір басшысына жан-жақты таныстырып өтті.
