Халықаралық әуежай Түркістаннан 35 шақырым қашықтағы Кентау қаласына қарасты, Шаға елді мекенінің маңынан салынуда. Құрылысты «Turkistan International Airport» ЖШС жүргізуде, мердігер мекеме – түркиялық «YDA Group» компаниясы.

Құрылысқа 341 жұмысшы мен 106 бірлік техника жұмылдырылған. Бүгінде әуежай терминалының конструкциялық жұмыстарының 90 пайызы аяқталған. Сондай-ақ ұшу-қону жолағы мен перронның 2 қабат шағал-тасты қоспасы және рульдеу жолының 1 қабат шағал-тасы төселген. Әуежайды пайдалануға беру мерзімі – жоба бойынша мемлекеттік — жекешелік әріптестік келісімшарт рәсімделгеннен кейін белгілі болмақ. Дегенмен болжам бойынша 2020 жылдың аяғына дейін құрылыс жұмыстары аяқталуы тиіс.

Халықаралық әуежай терминалының жолаушыларды өткізу мүмкіндігі — сағатына 450 жолаушы, аумағы 10,5 мың шаршы метр, ал ұшу-қону жолағының параметрі 3300х45 метр болады.

Түркістан облысы