Қазақстан Республикасы Президентінің Жарлығына сәйкес барлық деңгейдегі әкімдердің жыл бойы халықпен кездесулер өткізіп, жергілікті жерлерде жүргізіліп жатқан жұмыстарымен тұрғындардың хабардар болуын, билік органдарының беделін арттыруға, халықты толғандыратын проблемалық мәселелердің шешілу жолдары мен мерзімдерін бірігіп талқылауға арналған Жетісай ауданының әкімі Мұрат Кадырбектың кезекті кездесуі Ж.Ералиев ауылдық округінде өтеді.

Аталмыш кездесу алдында аудан басшысы бөлім басшылары мен учаскелік полиция инспекторларының, округ әкімінің қатысуымен жиын өткізді. Басқосуда аудан әкімі алдыңғы тоқсанда ауылдық округте өткен кездесуде тұрғындар тарапынан көтерілген сапалы ауыз сумен қамтамасыз ету, ішкі көшелерді орта жөндеуден өткізу, ескірген электр бағаналарын жаңарту бағыттары және тұрғындардың өмір сүру сапасын жақсарту, округтің инфрақұрылымын дамыту мәселелері бойынша атқарылып жатқан жұмыстарды саралап, өзекті мәселелердің шешу жолдарын сөз етті. Орындалған өтініштер мен тұрақты бақылауға алынғандарын, қолбайлау болып отырғандарын талқылады.

Жетісай ауданы әкімдігінің баспасөз қызметі