Түркістан облысы кәсіпкерлер палатасының алаңында Палатаның ұйымдастыруымен жергілікті атқарушы орган мен комитет мүшелері кәсіпкерлермен жиын өткізді.

Мақсаты мектепке дейінгі тәрбие мен оқытуға, орта білім беруге, балаларға қосымша білім беруге және еңбек нарығының қажеттіліктерін ескере отырып, техникалық және кәсіптік, орта білімнен кейінгі білімі бар кадрлар даярлауға мемлекеттік білім беру тапсырысын орналастыру қағидаларын бекіту туралы ҚР Білім Министрлігінің 2022 жылғы 27 тамыздағы № 381 бұйрығына өзгерістер мен толықтыруларды талқылау.

Адами капиталды дамыту бөлімінің басшысы Айдана Бейсебекованың айтуынша, балабақша мәселесі қазіргі таңда өзекті мәселелердің бірі, Палата тарапынан түсіндірме жұмыстары жүргізіледі.

“Мектепке дейінгі мекемелердің бақылау бейнекамераларын және өрт дабылын орнатуға қойылатын талаптары, санитариялық-эпидемиологиялық қорытынды, 2016 жылға дейін ашылған мектепке дейінгі мекемелер порталда тіркелмеген болса, медициналық қызметке арналған лицензиялар, медициналық көмек, медициналық қызмет көрсетуге арналған шарт болмаған кезде аталған ұйымдарды тіркеу үшін қандай әрекеттер қажет, мектепке дейінгі мекемелерде медициналық қызметке лицензия алу үшін рәсімнің шарттары мен ұзақтығы, ғимараттың, үй-жайдың нысаналы мақсатын ауыстыру рәсімінің шарттары мен ұзақтығы туралы толық түсіндірме жұмыстарын өткіздік”, — деп атап өтті Айдана Бейсебекова.

Жиын соңында кәсіпкерлер өздерінің қордаланған сұрақтарын талқылады.