Бүгін аудан әкімі Нұрбек Бадырақов әлеуметтік желіде, жеке қабылдауларда елдің мәселесін көтеріп жүрген ауданның бірқатар белсенді азаматтарымен кездесті.

Басқосу барысында аудан әкімінің орынбасарлары алғашқы кездесуде белсенді азаматтар тарапынан айтылған ұсыныс-пікірлердің орындалуына тоқталып, қаншасының орындалғанын немесе заң аясында қарастырылып жатқандығын, сондай-ақ кейінге қалдырылғанын баяндап берді.

Осы жолғы кездесуде білім, инфрақұрылым (жол, жарық, ауыз су), ауылшаруашылығы, идеология, жер қатынастары салалары бойынша сауалдар қойылды.

Өз кезегінде аудан әкімі Нұрбек Бадырақов ауданның белсенділеріне елдің мүддесіне бағытталған азаматтық позициялары үшін рақметін айтып, білдірілген ұсыныс-пікірлер бойынша тиісті жұмыстардың жүргізілетіндігін және олардың бақылауда болатындығын жеткізді.

Ордабасы ауданы әкімінің баспасөз қызметі