Ағымдағы жылдың 5-ші желтоқсаны күні Сауран ауданы әкімдігінің ішкі саясат бөлімінің «Жастар ресурстық орталығы» КММ-нің ұйымдастыруымен Шаға ауылдық округі, Ташанақ жалпы орта мектебінде жастар арасында агрессияның көрінуі және онымен күресу мақсатында «Жастар ресурстық орталығы» КММ-нің инспекторы М.Шалаев, Шаға дәрігерлік амбулаториясы психологы М.Жүнісбек және Ташанақ жалпы орта мектебінің тәрбие ісі жөніндегі орынбасары Э.Бабашовтың қатысуымен кездесу өтті.

Кездесудің мақсаты- жастар арасында агрессияның көрінуі және онымен күресу , қазіргі кезде жастардың бойынан табылып жатқан жат қылықтардың алдын алу.

Кездесу барысында, жасөспірімдердің жат қылықтардан аулақ болуы және агрессивті мінез-құлықтың алдын алу және онымен күресу жұмыстары жүргізілді.

Агрессивті жасөспірімдер — бұл көмекке мұқтаж және үлкендердің қабылдамауына ұшараған балалар тобы. Жасөспірімдер арасында жиі жағдайда қарым-қатынастағы шиеленістер, мазасыздану, тұлғалық даму мен мiнез-құлықтағы ауытқулар, агрессия мiндеттi түрде кездесетiнi баршамызға мәлім. Ал бұл жат қылықтармен күресу және алдын алу жұмыстарын ең алдымен отбасынан бастағанымыз жөн, яғни, бала белгілі бір ортаға түскенде ата-ананың берген тәрбиесін өзге әдеттермен алмастырып жатады. Сондықтан да, жас жеткіншектеріміздің тұлғалық дамуына баса назар аударып, өзіне және жолдастарына зиянын тигізіп, кереғар қылықтардан аулақ болуына жете мән бергеніміз абзал.