Аудан әкімдігінің ұйымдастыруымен аудан әкімінің кубогы үшін аудандағы орта арнаулы оқу орындарының студенттері арасында «Студенттік лига-2022» ойындары болып өтті.

Аталмыш жарысқа аудандағы бес бірдей орта арнаулы оқу орындары, яғни «Арыстанбаб» жоғары колледжі, №12 колледж МКҚК, «Абу Али Ибн Сина» медициналық колледжі, «Қапланбек жоғары аграрлық–техникалық» колледжі және «Сарыағаш» медресе-колледждерінің студенттері жарысқа түсті.

Бұқаралық спортты дамыту, ауданымыздағы студенттердің достық қарым-қатынасын нығайту, жастар арасында салауатты өмір сүру салтын насихаттау мақсатында ұйымдастырылған сайыстың ашылуына аудан әкімінің міндетін уақытша атқарушы Н.Талипов арнайы қатысып, жарысқа қатысушы студенттерге сәттілік тіледі.

Студенттік лига ойындары спорттың арқан тартыс, гір тасын көтеру, кіші футбол, ұлдар және қыздар арасында волейбол түрлерін қамтыды. Тартысқа толы сайыстың нәтижесінде:

І орынды «Сарыағаш» медресе-колледжі

ІІ орынды «Қапланбек» жоғары аграрлық-техникалық колледжі

ІІІ орынды «Арыстанбаб» жоғары колледжінің студенттері иеленді.

Студенттік лига ойындарының жеңімпаздарына кубок, медаль, диплом және бағалы сыйлықтар табысталды.

(с) Сарыағаш ауданы әкімдігінің баспасөз қызметі